"Çıraq" platformasından 107,8 milyon ton neft və 25 milyard kubmetr qaz hasil edilib

Xəzər dənizinin Azərbaycan sektorunda yerləşən “Çıraq” platformasından bu ilin noyabrın 1-dək 107,8 milyon ton neft və 25 milyard kubmetr qaz hasil edilib. Bu barədə Publika.az-a Energetika Nazirliyindən məlumat verilib.

Bildirilib ki, “Çıraq” platforması Azərbaycan neft sənayesinin simvollarından biridir və oradan ilk neft hasilatına başlanılmasından 29 il ötüb.

“Azəri-Çıraq-Günəşli” (AÇG) yataqlar bloku Azərbaycanın ən iri neft yatağı hesab olunur. Bu yataqlar blokunun işlənməsi üzrə ilk hasilat bölgüsü müqaviləsi 1994-cü ilin 20 sentyabrında imzalanıb. 2017-ci ilin 14 sentyabrında isə yataqların birgə istismarına dair yeni saziş bağlanıb və bu saziş yataqların 2049-cu ilin sonunadək işlənməsini nəzərdə tutur.

ƏLAQƏLİ

Bunu da oxu

Pensiya və sosial müavinətlərin artımı açıqlanıb

07.11.2026 - 12:54

AÇG-də bir sıra beynəlxalq şirkətlər iştirak edir. Bunlar arasında BP (30,37 %), SOCAR (35,3 %), MOL (9,57 %), INPEX (9,31 %), “ExxonMobil” (6,79 %), TPAO (5,73 %), ITOCHU (3,65 %) və “ONGC Videsh Limited” (OVL) (2,92 %) yer alır.