Media və Yayım Şurası 7-ci Dünya Media Sammitində iştirak edir

Media və Yayım Şurasının rəhbərliyi Çinin paytaxtı Pekində təşkil olunan 7-ci Dünya Media Sammitinin açılış mərasimində iştirak edir.

Publika.az-a qurumdan verilən məlumata görə, sammit “İntellektual dövrdə media: konsensusdan fəaliyyətə” mövzusuna həsr olunub. Toplantıda süni intellektin əlçatanlığının artırılması, dünya mediasının transformasiyası və daha təhlükəsiz dünya üçün media dialoqu və əməkdaşlığı məsələləri müzakirə edilir.

Sammit çərçivəsində sivilizasiyalararası ünsiyyətdə süni intellektin rolu, qlobal kommunikasiyanın idarə olunmasının gələcəyi və Pekinin inkişaf təcrübəsi ilə bağlı fikir mübadilələri aparılır.

ƏLAQƏLİ

Bunu da oxu

Media və Yayım Şurası: Jurnalistlərə hücumlar narahatlıq doğurur

01.11.2026 - 15:14

Proqram çərçivəsində plenar iclaslar, tematik forumlar, seminarlar və Pekinin mədəni irsi və müasir inkişafı ilə tanışlıq məqsədilə müxtəlif səfərlər təşkil olunur.

Xatırladaq ki, Dünya Media Sammiti 2009-cu ildə doqquz aparıcı media qurumunun təşəbbüsü ilə yaradılıb və qlobal media təşkilatları, beyin mərkəzləri, hökumətlər və beynəlxalq təşkilatlar arasında yüksək səviyyəli fikir mübadiləsi platforması kimi fəaliyyət göstərir.