Ürək sağlamlığı üçün ən faydalı balıq növləri açıqlandı

Ürək-damar sağlamlığını qorumaq üçün bəzi balıq növlərinin xüsusi əhəmiyyət daşıdığı məlum olub.

Minval.info xəbər verir ki, dietoloq Angel Lyuk “Tasting Table” nəşrinə verdiyi açıqlamada, ürək üçün faydalı olan balıqların siyahısını təqdim edib.

Omeqa-3 yağ turşularının ürək-damar xəstəliklərinin qarşısının alınmasında mühüm rol oynadığını vurğulayan mütəxəssis, bu turşuların siyənək və qızılbalıqda yüksək miqdarda olduğunu bildirib. Təxminən 100 qram bişmiş balıqda 2150 milliqrama qədər omeqa-3 yağ turşusu mövcuddur.

ƏLAQƏLİ

Bunu da oxu

Xəzər dənizində həlak olan qazaxıstanlı hərbçilərlə vida mərasimi təşkil edildi

26.09.2026 - 13:05

Dietoloq, balıqdakı eykosapentaen və dokosaheksaen turşularının periferik arteriya xəstəlikləri və digər ciddi ürək-damar problemlərinin riskini azaltmağa kömək etdiyini qeyd edib.

Bundan əlavə, omeqa-3 yağ turşularının iltihabi prosesləri azaltmaqla yanaşı, hamiləlik dövründə və körpələrin beyin və göz inkişafını dəstəklədiyi də vurğulanıb. Sardina və skumbriya da bu faydalı maddələrlə zəngindir, lakin qızılbalıq və siyənəklə müqayisədə omeqa-3 miqdarı daha azdır.