UEFA 2018-ci ilin ən yaxşı bombardirini açıqlayıb

UEFA-nın keçirdiyi yığma və klub səviyyəli bütün turnirlərin ən yaxşı bombardiri açıqlanıb.

“Report”un Avropa futbol qurumunun rəsmi saytına istinadən verdiyi məlumata görə, bu, Hollandiya millisinin və İngiltərənin “Çelsi” komandasının hücumçusu Dayşon Redandır.

Redanın fevralda 17 yaşı tamamlanıb. O, il ərzində 19 qol vurub ki, bunlardan 8-i UEFA Gənclər Liqasında, 5-i Hollandiyanın U-19, 6-sı isə Avropa çempionu olan U-17 yığmasında qeydə alınıb.

ƏLAQƏLİ

Bunu da oxu

Yamal: "Qələbə qolunun əsasını mən qoydum

19.09.2026 - 14:29

İkinci yeri Hollandiyanın U-17 millisinin digər üzvü Nikita Tromp tutub. “Ayaks”da çıxış edən forvard 15 qola imza atıb. Üçüncü pillədə isə 13 qolla Bosniya və Herseqovina millisi ilə İtaliya “Roma”sının ön xətt oyunçusu Edin Ceko qərarlaşıb.

Qeyd edək ki, Dayşon Redan “Çelsi”yə 2017-ci ilin yayında “Ayaks”dan keçib. O, London komandasına UEFA Gənclər Liqasının finalınadək irəliləməkdə yardımçı olub.