Messi İspaniya klubunu almağa hazırlaşır

Argentinalı futbol ulduzu Lionel Messi, İspaniyanın ikinci liqa təmsilçisi “Eldense” klubunun sahibi olmaq üçün addımlar atır. Messi, klubun bütün səhmlərini əldə etmək üçün ilkin razılığa gəlib və bu sövdələşmə nəticəsində “Eldense”nin 100 faiz payı ona keçəcək. Layihədə başqa investorların iştirakı nəzərdə tutulmur.

Minval.info xəbər verir ki, bu razılaşmanın qüvvəyə minməsi üçün İspaniyanın Ali İdman Şurasının təsdiqi tələb olunur. Bu təsdiq, Messinin klubun rəsmi sahibi olması üçün son addım olacaq.