Toz-duman gözləri zəiflədir? - Oftalmoloq şərh etdi

Minval.info xəbər verir ki, bunu Qaynarinfo-ya tanınmış oftalmoloq Gövhər Əliyeva toz-dumanın gözlərə təsirindən və azyaşlı uşaqlarda mirvari suyunun əmələ gəlməsindən danışarkən deyib. Onun sözlərinə görə, toz-dumanın gözləri zəiflətməsə də, iltihablaşmasına səbəb ola bilər:

“Mirvari suyu ümumiyyətlə fizioloji (yaşla əlaqədar), patoloji və qazanılma ola bilir. Bəzən anadangəlmə kataraktaya da rast gəlinir. Belə katarakta adətən anada olan xəstəliklər və ya hər hansı bir keçirilmiş infeksiya nəticəsində ağırlaşma kimi döldə yarana bilir. Toz-duman adətən gözlərin zəifləməsinə təsir edir. Toz-duman gözlərdə iltihab, bakteriya, keratitlər və s. kimi təbii problemlər yaradır ki, bu da gözə dumanlanma verir. Belə problemlər də əlbəttə ki, müvəqqətidir və onları müalicə edərək aradan qaldırırıq”.