Kartof və makaron ürək üçün təhlükədir!

Kartof və makaronun ürək xəstəlikləri riskini artırdığı bildirilir. Kardioloq Anna Koreneviçin fikrincə, sadə karbohidratlarla zəngin olan bu qidalar ürək-damar xəstəliklərinin inkişafına səbəb ola bilər.

Minval.info xəbər verir ki, xəstələr yağlı ət və donuz yağı kimi qidaların təhlükələrindən danışarkən, sadə karbohidratların da ürək-damar sisteminə mənfi təsir göstərdiyini unutmamalıdırlar. Kardioloq qeyd edir ki, sürətli karbohidratlarla zəngin pəhrizlər ürək və damar xəstəliklərinə yol açır.

Sadə karbohidratlar arasında şirniyyatlar və ağ un məhsulları ilə yanaşı, kartof və makaron da yer alır. Bu qidalar, xüsusilə durum buğdasından hazırlanmayan makaronlar, ürək üçün təhlükəli hesab edilir. Həkimlər kartof püresinin də tərkibində çoxlu miqdarda sadə karbohidrat olduğunu və qan şəkərində kəskin artıma səbəb olduğunu bildirirlər.

ƏLAQƏLİ

Bunu da oxu

İbuprofenin həddindən artıq istifadəsi təhlükə saçır

18.09.2026 - 21:34

Mütəxəssislər xəbərdarlıq edir ki, gündəlik çox miqdarda sadə karbohidrat qəbulu lipid metabolizması pozğunluqlarına, piylənmə, diabet və damar patologiyalarının inkişafına səbəb ola bilər.