Taylanddan turistlərə qeyri-adi xəbərdarlıq: Burada ölməyin!

Taylandın Baş nazirinin müavini və daxili işlər naziri Anutin Çarnvirakul, ölkədəki əcnəbilərin qanunları pozmaması üçün sərt xəbərdarlıq edib. O, turistlərə Taylandda ölməyi faktiki olaraq qadağan edərək, əcnəbiləri ölkəni tərk etməyə çağırıb.

Minval.info xəbər verir ki, Anutin Çarnvirakulun çıxışında, xüsusilə dini məkanların və şəxsi qəbiristanlıqların yaradılması məsələsinə toxunulub. O, bu cür təşəbbüslərin qanunvericiliyə uyğun olmasının və Tayland cəmiyyətinin mədəni xüsusiyyətlərini nəzərə almasının vacibliyini vurğulayıb.

Çarnvirakul bildirib ki, “Əgər öləcəksinizsə, gedin öz ölkənizdə ölün, burada ölməyiniz üçün heç bir səbəb yoxdur”. O, həmçinin əcnəbilərin restoran açmaq üçün icazə alıb, sonradan həmin məkandan dini mərasimlər üçün istifadə etməsini yolverilməz adlandırıb.