Tanışının bacısına sataşdı: Blokda qanlı “razborka”

Bakıda bıçaqlanma hadisəsi törətməkdə təqsirli bilinən Elşən Məmmədovun cinayət işi üzrə ibtidai istintaq başa çatıb.

Teleqraf.com xəbər verir ki, cinayət işi baxılması üçün Bakı Ağır Cinayətlər Məhkəməsinə göndərilib.

İş araşdırılması üçün hakim Telman Hüseynovun icraatına verilib. Yaxın günlərdə məhkəmə prosesi başlanacaq.

ƏLAQƏLİ

Bunu da oxu

Qaqik Tsarukyanın fırıldaqçılıq ittihamlarına cavabı: milyondolarlıq qalmaqal

12.10.2026 - 13:54

İttihama görə, bu ilin iyulun 21-də saat 17 radələrində Xətai rayonunda yerləşən evin blokunda Elşən Məmmədov tanışı, 1987-ci il təvəllüdlü Fuad Hüseynovu bıçaqlayıb.

Məlum olub ki, Fuad Hüseynov hadisədən əvvəl Elşən Məmmədovun bacısını təhqir edib. Bacısının Fuad Hüseynov tərəfindən təhqir olunduğunu eşidən Elşən Məmmədov onun yaşadığı ünvana gedib.

Orada Elşən Məmmədovla Fuad Hüseynovun arasında mübahisə yaranıb. Mübahisə sonda qanlı olayla nəticələnib.

ƏLAQƏLİ

Bunu da oxu

8 il sonra üzə çıxan cinayət: biznesmen 3 yaşlı qızına təcavüz edirmiş

11.10.2026 - 11:34

Fuad Hüseynov “Azərsutikinti” xəstəxanasına yerləşdirilib və vaxtında tibbi yardım göstərildiyi üçün həyatını xilas etmək mümkün olub.

İstintaq orqanı tərəfindən Elşən Məmmədovun barəsində Cinayət Məcəlləsinin 126.1-ci (qəsdən sağlamlığa ağır xəsarət yetirmə) maddəsi ilə ittiham elan edilib.