Tanınmış həkim şöbə müdiri təyin edildi

Tanınmış həkim Şahin Məmmədov Akademik Zərifə Əliyeva adına Milli Oftalmologiya Mərkəzində Anesteziologiya, Reanimasiya, İntensiv terapiya şöbəsinin müdiri vəzifəsinə təyin olunub.

“Medicina” xəbər verir ki, tibbi ekspert kimi də mətbuatda aktiv olan həkim 8 ildən artıqdır Milli Oftalmologiya Mərkəzində anestezioloq olaraq çalışırdı.

Mərkəzin direktoru, professor Elmar Qasımov onu uğurlu fəaliyyətimə görə təşəkkürnamə ilə təltif etdi və məni mərkəzin Anesteziologiya Reanimasiya, İntensiv terapiya şöbəsinin müdiri vəzifəsinə təyin etdi.

Həmçinin mərkəzin Masallı, Gəncə və Şəki filiallarının anesteziologiya xidmətinə də nəzarət etməli olacam. Qeyd edim ki mərkəzimizin 12 əməliyyatxanası var və 24/7 anestezioloji xidmət göstərir.

Xəstələrimiz əsasən uşaqlar, yenidoğulmuşlar və yanaşı xəstəlikləri çox olan yaşlı insanlardır.

İşin məsuliyyətini yaxşı dərk edirəm. Çalışacam mənə göstərilən etimadı doğruldum, bu çətin və məsuliyyətli işin öhdəsindən layiqincə gəlim”, – Şahin Məmmədov qeyd edib.