Tanınmış alim partladıldı

Suriyanın Masyaf şəhərində ölkə prezidenti Bəşər Əsədin yaxın adamlarından sayılan tanınmış alim Əziz Asbar avtomobildə partladılaraq öldürülüb.

Minval.info-un oxu.Az-a istinadən xəbərinə görə, bu barədə İsrailin Walla portalı məlumat yayıb.

Nəşrin məlumatına əsasən, partlayış Asbar evinin yanında avtomobilinə əyləşərkən baş verib. Hadisə nəticəsindəm alimin sürücüsü də ölüb.

Bildirilir ki, partlayışa görə məsuliyyəti Əbu Amar adlı ekstremistin başçılıq etdiyi qruplaşma öz üzərinə götürüb. Lakin yerli jurnalistlər hesab edirlər ki, qətlin arxasında xarici xüsusi xidmət orqanları dura bilər.

Qərbin iddiasına görə, Masyaf şəhərində kimyəvi silahın hazırlandığı elmi-tədqiqat mərkəzi yerləşir. Portal qeyd edir ki, Mərkəzə Asbar rəhbərlik edirdi.

Mərkəz iki dəfə İsraail HHQ tərəfindən bombardman olunub.