Zabratda qəbiristanlıq su altında qaldı

Zabrat qəsəbəsində kanalizasiya sisteminin olmaması ciddi problemlərə səbəb olub. Qəsəbə sakinlərinin bildirdiyinə görə, çirkab sular qəbiristanlıq ərazisinə axaraq xoşagəlməz mənzərə yaradıb. Bu vəziyyət nəticəsində sakinlər öz yaxınlarının məzarlarının su altında qalmasından narahatdırlar. Minval.info xəbər verir ki, sakinlər aidiyyəti qurumlara müraciət etsələr də, hələlik heç bir nəticə əldə olunmayıb. Çirkab sularının yayılması həm də piyadaların hərəkətinə maneə törədir.