Sursat zavodunda partlayış: İtaliyada təhlükəsizlik tədbirləri artırılır

İtaliyada Roma şəhəri yaxınlığında yerləşən bir sursat istehsalı müəssisəsində güclü partlayış baş verib. Bu müəssisə orta və iri çaplı sursatların istehsalı ilə məşğuldur.

Minval.info xəbər verir ki, hadisə “KNDS Ammo Italy” şirkətinə aid keçmiş “Sammel Difesa” zavodunun ərazisində baş verib. Bu müəssisə Fransa-Almaniya müdafiə qrupu KNDS-in tərkibində fəaliyyət göstərir.

Partlayışdan sonra hadisə yerinə bir neçə yanğınsöndürmə briqadası cəlb edilib və yanğının söndürülməsi üçün tədbirlər görülür. İlkin məlumatlara görə, hadisə nəticəsində xəsarət alan olmayıb. Yanğının yaxın ərazilərə yayılmasının qarşısını almaq üçün əlavə tədbirlər həyata keçirilir. Partlayışın səbəbi hələlik müəyyən edilməyib, lakin xilasedicilər insidentin barıt presləmə sexində baş verdiyini ehtimal edirlər.