“Siz məni sevindirdiniz, var olun!”

"Siz məni sevindirdiniz, var olun!"

“Bundan xəbərsiz idim, indi öyrənəcəyəm görüm maaşlarda artım var, ya yox”.

Xəbər verdiyimiz kimi, Milli Məclisin deputatlarının maaşı artırılması ilə bağlı “Azərbaycan Respublikası Milli Məclisinin deputatının statusu haqqında” qanuna dəyişiklik edilib.

Deputat Rüfət Quliyev AZXEBER.COM-a açıqlamasında maaşlarının artırılması ilə bağlı məsələdən xəbərsiz olduğunu bildirib. O, sözügedən artımın Azərbaycanda gedən islahatlarla paralellik təşkil etdiyini deyib:

“Siz məni sevindirdiniz, bundan xəbərsiz idim, indi öyrənəcəyəm görüm maaşlarda artım var, ya yox. Mənə hələ xəbər çatmayıb. Amma təbii ki, buna fikrim müsbətdir. Bu, Azərbaycanda gedən islahatlarla bağlıdır. Onun bir tərəfi islahat tərəfidir, o biri tərəfi isə infilyasiya ilə əlaqədardır”.

Qeyd edək ki, dəyişikliyə əsasən Milli Məclisin sədri 3550 manat miqdarında aylıq vəzifə maaşı alacaq. Buna qədər o 2475 manat maaş alırdı.

Qərara əsasən Milli Məclis sədrinin birinci müavini 3195 AZN, Milli Məclis sədrinin müavini 3017 AZN, Milli Məclisin komitə və komissiya sədri 2840 AZN, Milli Məclisin komissiya sədrinin müavini 2662 AZN, Milli Məclisin deputatı 2485 AZN miqdarında aylıq vəzifə maaşı alacaqlar.

Bu xəbəri paylaş: