Kiçik avtomobillər: Əyləncə yoxsa təhlükə?

Son günlər şəhər yollarında kiçikölçülü avtomobillərin istifadəsi geniş müzakirə mövzusuna çevrilib. Bu avtomobillər, kiçik ölçüləri və fərqli dizaynları ilə diqqət çəkir. Qiymətləri 9-18 min manat arasında dəyişən bu modellər, saatda 80-100 kilometr sürət yığa bilirlər.

Minval.info xəbər verir ki, satıcı Muraz Hudulovun sözlərinə görə, ölkəmizdə bu tip avtomobillər əsasən əyləncə və drift məqsədilə istifadə olunur. Xarici ölkələrdə isə onlar gündəlik nəqliyyat vasitəsi kimi də istifadə edilir.

Nəqliyyat eksperti Elməddin Muradlı bildirir ki, bu nəqliyyat vasitələri oyuncaq deyil və onların idarə olunması üçün müəyyən tələblər mövcuddur. “Bu avtomobillərin nəqliyyat vasitəsi olması, onları istənilən yerdə və formada sürə bilmək mənasına gəlmir. Bu avtomobillər üçün xüsusi meydançalar və qapalı zonalar tələb olunur. Həmçinin, bu nəqliyyat vasitələrini idarə etmək üçün sürücülük hüququ da tələb edilir və ‘A1’ altkateqoriyası lazımdır,” – deyə ekspert vurğulayıb.