Ermənistan Rusiya qazına alternativ axtarır

Ermənistan Baş naziri Nikol Paşinyan, Rusiya qazının qiymət artımı ehtimalı fonunda ölkəsinin qaz təchizatını şaxələndirmək və yeni marşrutlar axtarmaq niyyətində olduğunu bildirib. O, bu barədə jurnalistlərin suallarını cavablandırarkən açıqlama verib.

Minval.info xəbər verir ki, Paşinyan, Moskvanın qiymət siyasətindən asılı olmadan, İrəvanın irihəcmli qaz tədarükü üçün alternativ variantlar axtaracağını vurğulayıb. O, “Təchizatçıların sayı nə qədər çox olarsa, ölkəmiz üçün bir o qədər faydalıdır. Əgər “Tramp marşrutu” üzrə qaz kəmərinin Ermənistandan keçməsi imkanı yaransa, bu yolla da gedə bilərik,” – deyə əlavə edib.

Baş nazir, həmçinin Ermənistanın hazırda Rusiya ilə yanaşı İrandan da qaz idxal etdiyini və bu qazın elektrik enerjisi istehsalı üçün istifadə olunduğunu qeyd edib. Hər kubmetrə 3 kilovat-saat hesablanmaqla geri qaytarılan qazın artıq həcmi isə müqaviləyə əsasən Ermənistanda qalır.