Britaniya: Rusiyanın itkiləri 1,5 milyona çatdı

Britaniya hərbi kəşfiyyatı, Rusiyanın 2022-ci ilin fevral ayında Ukraynaya başlatdığı tammiqyaslı hücumdan bəri 500 min rus əsgərinin öldüyünü açıqlayıb. Minval.info xəbər verir ki, bu məlumatlar Britaniya Silahlı Qüvvələrinin Baş Qərargah rəisi, Hərbi Hava Qüvvələrinin baş marşalı ser Riç Nayton tərəfindən təsdiqlənib.

Riç Nayton bildirib ki, Rusiyanın ümumi itkiləri, yaralılar da daxil olmaqla, təxminən 1,5 milyona çatıb. O, həmçinin qeyd edib ki, itkilərin əksəriyyəti 2023-cü ilin yanvarından sonra baş verib. Bu dövrdə Rusiya yalnız Ukrayna ərazisinin 2%-ni ələ keçirə bilib. Nayton, bu rəqəmlərin belə kiçik irəliləyiş üçün insan həyatının mənasız və faydasız şəkildə israf edilməsini açıq şəkildə göstərdiyini vurğulayıb.