Seuta sərhədində miqrant axını: Aİ yeni tədbirlər hazırlayır

İspaniyanın Seuta eksklavının sərhədini qanunsuz keçən miqrantların heç biri Avropaya daxil ola bilməyib. Bu barədə Avropa Komissiyasının rəhbəri Ursula fon der Lyayen məlumat verib.

Minval.info xəbər verir ki, İspaniya və Mərakeş hüquq-mühafizə orqanlarının birgə fəaliyyəti nəticəsində sərhədi qanunsuz keçənlərin əksəriyyəti Mərakeşə geri qaytarılıb. Fon der Lyayen bildirib ki, Seutadakı hadisə Avropa İttifaqının xarici sərhədlərinin nəzarətinin əhəmiyyətini bir daha ortaya qoydu və bu sistemin daha da gücləndirilməsinə ehtiyac var.

O, həmçinin Avropanın gələcəkdə bu cür vəziyyətlərə daha hazırlıqlı olması üçün baş verənlərin təhlil edilməsinin vacibliyini vurğulayıb. Avropa Komissiyası İspaniyaya dəstək təklif edib və Aİ-nin bir neçə ölkə liderinin vəziyyəti müzakirə etmək üçün videokonfrans keçirmək təşəbbüsünü dəstəkləyib.