Rusiyada qanunsuz işçi istismar edən dəstə ifşa edildi
Rusiyanın Ramenskoye şəhər dairəsində polis əməkdaşları tərəfindən həyata keçirilən əməliyyat nəticəsində qeyri-qanuni saxlanılaraq tikintilərdə zorla işlədilən altı kişi xilas edilib. Bu əməliyyatın nəticəsində beş şübhəli şəxs saxlanılıb və cinayət işi başlanıb.
Minval.info xəbər verir ki, Rusiya İstintaq Komitəsinin Moskva vilayəti üzrə Baş İstintaq İdarəsinin rəhbərinin böyük köməkçisi Olqa Vradiy məsələ ilə bağlı açıqlama verib. O, hüquq-mühafizə orqanlarına daxil olan məlumat əsasında əməliyyatın təşkil edildiyini bildirib.
İstintaqın məlumatına görə, şübhəlilər iyulun ortalarından bu şəxsləri zorla saxlayaraq tikinti işlərinə məcbur ediblər. Qurbanların qazandıqları pullar isə cinayətkarlar tərəfindən mənimsənilib. Onlara fiziki güc və silah təhdidləri ilə təsir göstərilib.
Rusiya Daxili İşlər Nazirliyinin rəsmi sözçüsü İrina Volk bildirib ki, saxlanılanlar üçmərtəbəli villa kirayələyərək buranı qeyri-rəsmi “iş evi”nə çeviriblər. Təşkilatçılar çətin vəziyyətdə olan şəxslərə yemək və qalmağa yer vəd edərək onları işə cəlb ediblər. Razılaşmadan sonra şəxslərin şəxsiyyət vəsiqələri və telefonları əllərindən alınıb.
Qurbanlar silah və elektroşok cihazlarının hədəsi altında müxtəlif obyektlərdə işlədiliblər. Onlara ödənilən maaşın böyük hissəsi isə dəstə tərəfindən mənimsənilib. Girovluqda olan şəxslərdən biri qaçaraq polisə xəbər verib və bu, əməliyyatın başlanmasına səbəb olub.
Polis “Rosqvardiya”nın dəstəyi ilə iki təşkilatçını və digər üç şəxsi saxlayıb. Məhkəmə dörd şübhəliyə həbs qətimkan tədbiri seçib, bir nəfər isə ev dustaqlığına məhkum edilib. İstintaq qrupu digər gizli “iş evləri”nin mövcudluğunu da araşdırır.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Bakıda məktəbdən kənarda məktəbli bıçaqlanaraq vəfat etdi
Qara dənizdə gəmi dronla vuruldu: iki nəfər öldü, 11 yaralı var
Türkiyəyə məxsus gəmi PUA hücumuna məruz qaldı
Danimarkada 8.8 milyon insanın şəxsi məlumatları sızdırıldı
Cənubi Koreya: Jeju adasında batan gəmidə iki nəfər itkin düşüb
Okinavada qətl: Yaponiya ABŞ-dan hərbçilərlə bağlı tədbir tələb edir
