Azərbaycan hərbçiləri Pakistanda keçirilən təlimlərdə müvəffəqiyyət qazandı

Azərbaycan Müdafiə Nazirliyinin məlumatına görə, Azərbaycan Hərbi Dəniz Qüvvələrinin (HDQ) bir qrup hərbi qulluqçusu Pakistanda təşkil edilən “Birgə xüsusi əməliyyat qüvvələri təlimi”ndə iştirak edib. Təlim, Azərbaycan və Pakistan arasında imzalanmış “Azərbaycan-Pakistan 12-ci İşçi Qrupu Səviyyəli Görüşün Protokolu”na əsasən həyata keçirilib.

Minval.info xəbər verir ki, Kəraçi şəhərində baş tutan bu təlimdə xüsusi təyinatlılar, terrorçu qruplar tərəfindən ələ keçirilmiş gəminin azad olunması və girovların xilas edilməsi kimi mürəkkəb tapşırıqları icra ediblər. Həmçinin dalğıc fəaliyyəti üzrə də müxtəlif tapşırıqlara qatılıblar.

Təlimin keçirilməsində əsas məqsəd Azərbaycan və Pakistan hərbi qulluqçuları arasında təcrübə mübadiləsi, standart əməliyyat qaydalarının öyrənilməsi və real döyüş şəraiti üçün hazırlıqların aparılması olub. Bu tədbirlər, həmçinin antiterror əməliyyatları zamanı hər iki ölkənin hərbçiləri arasında qarşılıqlı fəaliyyətin uzlaşdırılmasını təmin etmək məqsədini daşıyıb.

ƏLAQƏLİ

Bunu da oxu

Zakir Həsənov və Yaşar Gülər Şuşada görüş keçirdi

02.10.2026 - 11:32

Azərbaycan HDQ-nin hərbi qulluqçuları, pakistanlı həmkarları ilə birlikdə təlimin bütün mərhələlərində yüksək peşəkarlıq nümayiş etdirərək, qarşıya qoyulmuş tapşırıqları müvəffəqiyyətlə yerinə yetiriblər. Təlimin sonunda iştirakçılara sertifikatlar təqdim edilib və xatirə şəkilləri çəkilib.