Ronaldo "Yuventus"da hansı mövqedə oynayacaq? - Baş məşqçi açıqladı

“Yuventus”un baş məşqçisi Massimiliano Alleqri yeni transferləri Kriştiano Ronaldonu hansı mövqedə oynadacağını açıqlayıb.

Minval.info qol.az-a istinadən verdiyi xəbərə görə, o deyib ki, portuqaliyalı oyunçunun mövqeyində hər hansı dəyişiklik etməyəcək: “O, “Real”da olduğu kimi eyni mövqedə oynayacaq. Ronaldo hücum edən üç oyunçudan biri olacaq və əvvəlki kimi qol vuracaq”.

Qeyd edək ki, Ronaldo bu ay “Real”dan 112 milyon avroya “Yuventus”a transfer olunub. O, yeni klubu ilə 4 illik müqavilə imzalayıb.