Tibb müəssisələrində onlayn növbə sistemi genişlənir

Dövlət tibb müəssisələrində pasiyentlərin gözləmə müddətinin azaldılması məqsədilə onlayn növbə sisteminin tətbiqi genişləndiriləcək. Hazırda bir sıra TƏBİB tabeli tibb müəssisələrində elektron növbə sistemi mövcuddur. Minval.info xəbər verir ki, pasiyent axınının daha səmərəli idarə olunması və həkim qəbulunun daha rahat təşkili üçün onlayn növbə sistemi tətbiq edilir.

2026-cı ilin sonunadək pasiyent sıxlığının yüksək olduğu tibb müəssisələrində onlayn növbə sisteminin qurulması nəzərdə tutulur. Hazırda bu istiqamətdə təhlillər və hazırlıq işləri aparılır, təşkilati məsələlər həll edilir. TƏBİB-in tabeliyində olan 7 tibb müəssisəsində onlayn növbə sistemi aktivdir. Bunlar Yeni Klinika, Abşeron Rayon Mərkəzi Xəstəxanası, Kliniki Tibbi Mərkəz, Nizami Tibb Mərkəzi, Xətai Tibb Mərkəzi, Respublika Endokrinoloji Mərkəz və Mərkəzi Neftçilər Xəstəxanasıdır.