Ramin Hacılı azadlığa çıxıb

İctimai-siyasi fəal Ramin Hacılı azadlığa çıxıb.

Minval.info xəbər verir ki, bu barədə Ramin Hacılı sosial mediada paylaşım edərək “Azadlıqdayam! Hər şey yaxşı olacaq!” yazıb.

Rəsmi məlumatlara görə, R.Hacılı 2018-ci il iyunun 4-də dövlət sərhədini qanunsuz keçmək istəyərək saxlanılıbı. Dövlət Sərhəd Xidmətinin (DSX) İstintaq İdarəsində onun barəsində 29, 318.1-ci (Azərbaycan dövlət sərhədini qanunsuz keçməyə cəhd) maddəsi ilə ittiham irəli sürülüb.

Daha sonra məhkəmə onun barəsində həbs-qətimkan seçmişdi. R.Hacılının cinayət işinə məhkəmədə baxılıb və o, bu gün azadlığa buraxılıb.

R.Hacılı saxlanılarkən 250 min manat həddində borcunun olduğunu, xaricə getməklə bu borcları işləyib qaytarmağa çalışdığını bildirmişdi.