Yasamalda şəhid Hüseyn Tağıyevin anım mərasimi keçirilib

Vətən müharibəsində şəhid olmuş Hüseyn Tağıyevin şəhadətinin 6-cı ildönümü münasibətilə Yasamal rayonunda anım mərasimi təşkil olunub. Hərbi Memorial məzarlıqda baş tutan mərasimdə Yasamal Rayon İcra Hakimiyyətinin başçısı Elşad Həsənov, YAP Yasamal rayon təşkilatının sədri Bəxtiyar Nəbiyev, şəhidin ailəsi və yaxınları, hərbi qulluqçular, ictimaiyyət nümayəndələri iştirak ediblər.

Publika.az-ın məlumatına görə, mərasim iştirakçıları Hüseyn Tağıyevin məzarını ziyarət edərək, məzarına gül dəstələri qoyub, onun əziz xatirəsini ehtiramla yad ediblər. Mərasimdə Vətən müharibəsində torpaqlarımızın işğaldan azad olunmasında şəhidlərin göstərdiyi qəhrəmanlıqdan bəhs edilib. Bildirilib ki, Hüseyn Tağıyev kimi igidlərin həyat yolu və vətənpərvərliyi gələcək nəsillər üçün örnəkdir.

Yasamal Rayon İcra Hakimiyyətinin başçısı Elşad Həsənov, şəhidin ailəsinə başsağlığı verərək, şəhidlərimizin əziz xatirəsinin daim uca tutulmasının və onların ailələrinə göstərilən diqqətin dövlət siyasətinin əsas istiqamətlərindən olduğunu bildirib.

ƏLAQƏLİ

Bunu da oxu

Sabah leysan yağacaq, şimşək çaxacaq - 09.10.2026

08.10.2026 - 15:03

Hüseyn Tağıyev 8 avqust 1991-ci ildə anadan olub və 5 oktyabr 2020-ci ildə Vətən müharibəsi zamanı şəhidlik zirvəsinə ucalıb. Onun xatirəsi daim böyük ehtiramla yad ediləcək.