"Qəbələ"nin futbolçusu millinin heyətindən çıxarılıb

21 yaşadək futbolçulardan ibarət Azərbaycan milli komandasının üzvü Rüfət Əhmədov Avropa çempionatının seçmə mərəhələsinin oyunları üçün açıqlanan heyətdən çıxarılıb.

Minval.info milli assosiasiyanın rəsmi saytına istinadən xəbər verir ki, 19 yaşlı müdafiəçi səhhəti ilə əlaqədar yığmadan kənarlaşdırılıb. Gənc oyunçu çarpaz bağlarındakı zədəyə görə Xorvatiya və Avstriya ilə matçları buraxacaq.

Qeyd edək ki, Milan Obradoviçin başçılıq etdiyi U-21 sentyabrın 2-də Xorvatiyanın, 5 gün sonra isə Avstriyanın qonağı olacaq.