Pele səhhəti barədə açıqlama verib

Əfsanəvi braziliyalı futbolçu Pele əməliyyatdan sonra ilk dəfə səhhəti barədə danışıb.

Minval.info APA-ya istinadən bildirir ki, 80 yaşlı futbol “kralı” vəziyyətinin yaxşılığa doğru getdiyini bildirib.

O, instaqram səhifəsindəki paylaşımı zamanı oğlunu xərçəng xəstəliyindən itirən braziliyalı müğənni Roberto Karlosa da başsağlığı verib: “Mən yaxşıyam, artıq sağalıram. Ancaq indi bütün sevgimi və dualarımı dostum Roberto Karlosa çatdırmaq istəyirəm. Tanrıdan ürəyinizə təsəlli verməsini diləyirəm”.

Qeyd edək ki, Pele sentyabrın 6-da yoğun bağırsaqda şişin aradan qaldırılması üçün əməliyyat olunub.