Pele Ronaldunun "Mançester Yunayted"ə qayıdışına münasibət bildirib

Braziliyalı əfsanəvi futbolçu Pele Kriştianu Ronaldunun sabiq klubu olan İngiltərə “Mançester Yunayted”inə keçidinə münasibət bildirib.

“MİNVAL.İNFO”un məlumatına görə, veteran hücumçu bununla bağlı şəxsi instaqram hesabında paylaşım edib.

“Dünyanı fəth etmək və evə qayıtmaqdan daha yaxşı şey yoxdur. Xoşbəxt ol, Kriştianu”, – Pele yazıb.

Qeyd edək ki, Ronaldu 2003 – 2009-cu illərdə də formasını geyindiyi “qırmızı-şeytanlar”la 1+1 illik müqavilə imzalayıb. Onun son klubu İtaliya “Yuventus”u olub.