Oman Hörmüz boğazı üçün diplomatik təşəbbüs edir

Oman, Hörmüz boğazının gələcəyini müzakirə etmək məqsədilə İran və Körfəz ölkələrinin nümayəndələrini bir araya gətirməyə hazırlaşır. Görüşün gələn həftə Omanının Salalah şəhərində keçirilməsi planlaşdırılır.

Minval.info xəbər verir ki, Oman, Körfəz Əməkdaşlıq Şurasına üzv ölkələrin və İranın xarici işlər nazirlərini bu mühüm toplantıya dəvət etməyi nəzərdə tutur. Lakin toplantının keçirilib-keçirilməyəcəyi və bütün Körfəz ölkələrinin iştirak edib-etməyəcəyi hələ dəqiqləşməyib.

Hörmüz boğazı, qlobal neft və qaz tədarükü üçün əhəmiyyətli marşrutlardan biri olaraq qalır. ABŞ və İsrailin İrana qarşı zərbələrindən sonra boğazda gəmi hərəkətinin məhdudlaşması enerji təchizatı ilə bağlı narahatlıqları artırıb.