Nazirlik əməkdaşını güllələyənə hökm oxundu - 15 il

Şirvan Milli Parkında qanunsuz ceyran ovlayan və milli parkın sahə müfəttişini yaralayan brakonyerlər həbs olunub.

Ekologiya və Təbii Sərvətlər nazirliyindən “minval.info”ya daxil olan məlumata görə, martın 30-da qanunsuz ov etdiyinə və Şirvan Milli Parkının əməkdaşını qəsdən ov tüfəngi ilə yaraladığına görə Rahil Ağayev məhkəmənin 16 avqust 2018-ci il tarixli qərarı ilə cəzasını ciddi rejimli cəzaçəkmə müəssisəsində çəkməsi şərti ilə 15 il, Elvin İsrafilov isə cinayət əməlini törətməkdə təqsirli bilinərək cəzasını ümumi rejimli cəzaçəkmə müəssisəsində çəkməsi şərti ilə 2 il müddətə azadlıqdan məhrum edilib. Bir baş ceyranın qanunsuz ovlanması nəticəsində təbiətə dəymiş ziyana görə cinayətkarlar 1650 manat məbləğində cərimə olunub.