Hindistanda 5G problemi: Texniki işçi girov götürüldü

Hindistanın Uttar-Pradeş ştatının Fatehpur bölgəsində yerləşən Hardauli kəndində mobil internetin zəifliyi kənd sakinlərinin narazılığına səbəb olub. Sakinlər, iki ildir davam edən 5G xidmətindəki problemləri həll etmək üçün əraziyə gələn telekommunikasiya texnikini qülləyə bağlayaraq girov götürüblər.

Minval.info xəbər verir ki, hadisə yerinə gələn polis əməkdaşları texniki işçini təxminən iki saat sonra xilas ediblər. Hadisə ilə əlaqədar altı nəfər saxlanılıb və daha sonra zaminə buraxılıblar.