Nazirlər kabineti bazar təmərküzləşməsində yeni qaydalarla rəqabətə meydan oxuyur

Nazirlər Kabineti müvafiq bazarda sahələrin təmərküzləşmə səviyyəsinin müəyyən edilməsi və rəqabət orqanı tərəfindən təmərküzləşmələrin qiymətləndirilməsi qaydalarını təsdiqləyib.

Minval.info xəbər verir ki, Baş nazir Əli Əsədovun imzaladığı qərara əsasən, bu qaydalar Rəqabət Məcəlləsinə uyğun olaraq hazırlanıb. “Müvafiq bazarda sahələrin təmərküzləşmə səviyyəsinin müəyyən edilməsi Qaydası”nda istifadə olunan anlayışlar Məcəllə və digər normativ hüquqi aktlarla müəyyən edilmiş mənaları ifadə edir.

“Rəqabət orqanı tərəfindən təmərküzləşmələrin qiymətləndirilməsi Qaydası” da Rəqabət Məcəlləsinə uyğun olaraq hazırlanıb və bazar subyektləri tərəfindən təqdim edilən ərizələrə baxılması, həmçinin rəqabət orqanına məlumat verilmədən baş tutmuş təmərküzləşmələrin araşdırılması zamanı tətbiq edilir. Bu qaydalar çərçivəsində iqtisadi nəzəriyyə, empirik və iqtisadi statistika əsaslı təhlillər aparılır və müvafiq bazarla əlaqəli olan qonşu bazarlarda rəqabət vəziyyəti nəzərə alınır.