Birinci sinif şagirdini döyən müəllim işdən çıxarıldı

Bakıdakı 189-190 saylı orta məktəbdə birinci sinif şagirdini döyməkdə günahlandırılan müəllim işdən çıxarılıb.

Bu barədə uşağın valideyni Xanım Əliyeva öz Feysbuk səhifəsində məlumat yayıb.

X.Əliyeva məsələnin ədalətli həll olunduğuna görə Təhsil Nazirliyinə təşəkkür edib.

Qeyd edək ki, hadisə iki gün öncə baş verib. X.Əliyeva Feysbukda məlumat yayaraq qızının döyüldüyünü, nəticədə alnının şişdiyini bildirmişdi.