Finlandiya rus arxivlərinə çıxışı 9999-cu ilə qədər bağladı

Finlandiyanın Milli Arxivi, Rusiyadan əldə edilən tarixi sənədlərə internet üzərindən sərbəst çıxışı 9999-cu ilə qədər məhdudlaşdırıb. Bu məhdudiyyət, 1500-1990-cı illəri əhatə edən geniş sənəd toplusuna şamil edilir. Buraya XX əsrin əvvəllərinə aid Sveaborg qalasının nadir çertyoj və rəsmləri də daxildir. Hazırda tədqiqatçılar bu materiallarla yalnız xüsusi oxu zallarında tanış ola bilərlər.

Minval.info xəbər verir ki, 2005-ci ildən etibarən iki ölkənin arxiv qurumları arasında əməkdaşlıq çərçivəsində Rusiyadan Finlandiyaya təxminən 1 milyon səhifə tarixi sənəd gətirilib. Bu materialların alınması, daşınması və surətinin çıxarılması üçün Finlandiya büdcəsindən 1 milyon avrodan çox vəsait ayrılıb.