OPEC+ neft kvotalarını oktyabra qədər uzatdı

“OPEC+” ölkələri sentyabr ayı üçün müəyyənləşdirilmiş neft hasilatı kvotalarını oktyabr ayına qədər uzatmaq qərarına gəliblər. Bu qərar Rusiya, Səudiyyə Ərəbistanı, Əlcəzair, Küveyt, İraq, Qazaxıstan və Oman tərəfindən qəbul edilib. Razılaşmaya əsasən, Səudiyyə Ərəbistanı gündəlik maksimum 10,478 milyon, Rusiya isə 9,949 milyon barel neft hasil edə biləcək. Digər ölkələr üçün limitlər İraqda 4,431 milyon, Küveytdə 2,676 milyon, Qazaxıstanda 1,628 milyon, Əlcəzairdə 1,007 milyon, Omanda isə 841 min barel olaraq müəyyən edilib.

Minval.info xəbər verir ki, ölkələr razılaşmanın tam icrasına sadiq olduqlarını təsdiqləyiblər. Növbəti görüşün oktyabrın 4-də keçirilməsi planlaşdırılır.