Muharrem İnce seçkidən sonra danışdı: "Mən səhv etdim, üzr istəyirəm"

“Mən İsmail Küçükkayaya dost kimi mesaj göndərdim, mesajımı xəbərə çevirəcəyini bilmirdim”

Minval.info xəbər verir ki, Türkiyədə keçirilən prezident seçkilərində namizəd olan Muharrem İnce mətbuat konfransı təşkil edib. O, sosial şəbəkədə yayılan bəzi iddiaları çıxışı zamanı yalanlayıb:

“Məni heç kim qaçırmayıb, bu kimi iddialar yalandır. Seçkidə səslər oğurlanıb, amma nəticəyə təsir edəcək qədər deyil. Ona görə də, seçkinin nəticələrini tanıyıram, Ərdoğanı təbrik edirəm. Mənə 15 milyon Türkiyə vətəndaşı səs verib, məqsədimiz bunu 30 milyona çatdırmaqdır.

Mən heç kimdən qorxan deyiləm. Məni təhdid edən də olmayıb, belə bir şəxs hələ dünyaya gəlməyib. Ötən gecə sadəcə nəticələri gözlədim. Ona görə də, xalqın qarşısına çıxmadım. Sadəcə seçimlər ikinci tura qala bilərdi, amma olmadı. Mən jurnalist dotum İsmail Küçükkayaya dost kimi mesaj göndərdim, mesajımı xəbərə çevirəcəyini bilmirdim. Mənim tərəfdarlarımın mesajla bu xəbəri alması yaxşı olmadı, mən təcrübəli siyasətçi kimi belə səhv etməli deyildim. Buna görə üzr istəyirəm. Gərək bundan sonra jurnalistlərlə dostluq edən zaman ehtiyatlı davranım”.

Minval.info