Müəllimlərin vakansiya seçimi başladı: 8 yerə qədər seçim imkanı!

Müəllimlərin işə qəbulu üzrə müsabiqənin vakansiya seçimi mərhələsi 5 avqust saat 11:00-dan etibarən başlayır. Bu mərhələdə iştirakçılar test imtahanında minimum keçid balını toplamış şəhid ailəsi üzvlərindən başlayaraq vakant yerləri seçə biləcəklər.

Minval.info xəbər verir ki, namizədlər elektron ərizə vasitəsilə maksimum 8 vakant yer seçə bilərlər. Seçimlər namizədlərin göstərdiyi ardıcıllıq əsasında həyata keçiriləcək. Vakant yer tutduqdan sonra imtina edənlər növbəti seçim mərhələlərində iştirak edə bilməyəcəklər.

Gələcək mərhələlərdə faktiki yaşayış yerinə uyğun həvəsləndirmə tədbirləri tətbiq edilən təhsil müəssisələri üzrə vakansiya seçimi, həmçinin ümumi vakansiya seçimi turu keçiriləcək. Bu mərhələlərin tarixləri barədə əlavə məlumat veriləcək. Şəhid ailəsi üzvləri üçün vakansiya seçimi 6 avqust saat 11:00-dək davam edəcək.