Milli Məclis deputatların diplomatik pasportunın geri alınmaması ilə bağlı məsələni müzakirə edə bilər

“Azərbaycanda deputat seçilir. Onun səlahiyyət müddəti başa çatandan sonra isə onun diplomatik pasportu geri qaytarılır”.

Minval.info-nun xəbərinə görə, bu fikirləri Milli Məclisin deputatı Sabir Rüstəmxanlı parlamentin bu gün keçirilən plenar iclasında deyib.

Onun sözlərinə görə, 1995-ci ildən bəri parlamentdən kənarda qalan belə şəxslərin sayı 150-200 nəfər olar: “Onların çoxu dünyasını dəyişib. Onların diplomatik pasportunun geri alınmaması ilə bağlı düşünmək lazımdır”.

ƏLAQƏLİ

Bunu da oxu

Orta əməkhaqqı Bakıda yaşam üçün yetərli deyil

14.09.2026 - 11:17

Milli Məclisin sədrinin birinci müavini Əli Hüseynli isə bildirib ki, deputatın diplomatik pasportu ilə bağlı müddəalar “Deputatın statusu haqqında” qanunda əksini tapıb: “Əgər deputatlar tərəfindən də belə bir məsələ ilə bağlı təkliflər olsa, buna komitədə baxıla bilər”.

Spiker Sahibə Qafarova da deputatların bir neçə dəfə bu məsələni qaldırdığını bildirib: “Bu məsələni ona görə də nəzərə almaq olar”.