Metro təmiri 2 il çəkəcək: Abbaslıdan açıqlama

Ağ Partiyanın sədri Tural Abbaslı metroda aparılan təmir işlərinin 11 ay ərzində başa çatmayacağını, ən azı 2 il davam edəcəyini vurğulayıb. O, bu fikirləri “Prime TV” YouTube kanalına verdiyi müsahibədə səsləndirib.

Minval.info xəbər verir ki, Tural Abbaslı təmir işlərinin şəhərdə nəqliyyatın yükünün az olduğu aylarda tamamlanmasının daha məqsədəuyğun olduğunu bildirib. O qeyd edib ki, bu işlər iyun, iyul və avqust aylarında başa çatdırılmalı idi. Əgər texniki imkanlar buna uyğun deyilsə, vətəndaşlara əlavə yük yaratmaq olmaz. “Birdən il yarım oldu. Mən niyə sənin əziyyətini çəkməliyəm?” – deyə o əlavə edib.