Köşkə girib satıcını zorlamaq istədi, fikrini dəyişib kassanı soydu

Bakıda köşk satıcısı zorakılığın qurbanı olmaqdan son anda qurtulub.

Bununla bağlı Oxu.Az-a Xətai Rayon Polis İdarəsindən məlumat verilib.

Məlum olub ki, cinayət sentyabrın 8-də baş verib. 1987-ci il təvəllüdlü paytaxt sakini Lalə Abbaszadə Zığ şossesi yaxınlığındakı bir nömrəli binada yerləşən köşkə işə gələrkən, səhər saat 10-da hücuma məruz qalıb.

ƏLAQƏLİ

Bunu da oxu

Qaqik Tsarukyanın fırıldaqçılıq ittihamlarına cavabı: milyondolarlıq qalmaqal

12.10.2026 - 13:54

Naməlum kişi köşkə girib və əlindəki bıçağı qadının boğazına dirəyərək, onu zorlamaq istəyib. Ancaq qurbanının müqaviməti ilə rastlaşan cinayətkar qorxub və fikrini dəyişərək, qadından pulları tələb edib.

Qadın kassada olan 650 manat pulu qarətçiyə verib. Daha sonra kişi hadisə yerindən uzaqlaşıb. Bir müddət sonra cinayətkar saxlanılıb.

Saxlanılan şəxs əvvəllər oğurluq, xuliqanlıq və qanunsuz dövriyyə ilə bağlı cinayətlərə görə məhkum olunmuş 1973-cü il təvəllüdlü Məmmədov Vaqif Əbdülxalıq oğlu olub.

ƏLAQƏLİ

Bunu da oxu

8 il sonra üzə çıxan cinayət: biznesmen 3 yaşlı qızına təcavüz edirmiş

11.10.2026 - 11:34

V.Məmmədova qarşı Cinayət Məcəlləsinin 181-ci maddəsi (qarət) ilə cinayət işi başlanılıb.