Konqoda məktəb yanğını: 29 şagird həyatını itirdi

Konqo Demokratik Respublikasının şərqində yerləşən Bukavu şəhərində baş verən yanğın faciəsi nəticəsində 29 şagird həyatını itirib. Yanğın bir evdə başlayaraq yaxınlıqdakı Ujamaa və Furaha ibtidai məktəblərinə yayılıb.

Minval.info xəbər verir ki, hadisə zamanı 25 şagird yaralanıb və onlardan 4-nün vəziyyəti ağırdır. Taxtadan tikilən iki məktəb tamamilə yanıb, ətrafdakı 300-dən çox ev isə yararsız vəziyyətə düşüb. Yanğının səbəbi hələlik məlum deyil.