Kirayə qiymətləri yenidən yüksəldi: Mənzil bazarında nələr baş verir?

Azərbaycanda kirayə evlərin qiymətləri bu ilin iyun ayında ötən ilin eyni dövrü ilə müqayisədə 7,4% artım göstərib. May ayının sonuna nisbətən isə bu artım 0,3% təşkil edib.

Minval.info xəbər verir ki, bu məlumatlar Azərbaycan Mərkəzi Bankının (AMB) rüblük “Pul Siyasəti İcmalı”nda yer alıb. Eyni zamanda, iyun ayında ilkin mənzil bazarında qiymətlər orta hesabla 12,4% yüksəlib, təkrar mənzil bazarında isə bu artım 8,6% olub. Ümumilikdə, mənzil bazarında qiymət artımı 8,6% təşkil edib.