Kamran Əliyev Şamaxıda 33 vətəndaşı dinlədi

Baş prokuror Kamran Əliyev sentyabrın 16-da Şamaxı rayon prokurorluğunun inzibati binasında vətəndaşlarla görüş keçirib. Görüşdə Şamaxı, Qobustan, Ağsu və İsmayıllı rayonlarından olan vətəndaşlar iştirak ediblər. Qəbul zamanı 33 nəfər vətəndaşın müraciətləri dinlənilib.

Minval.info xəbər verir ki, vətəndaşların müraciətləri əsasən konkret cinayət işlərinin istintaqı, törədilmiş cinayətlər barədə məlumatların araşdırılması zamanı yol verilmiş qanun pozuntuları, məhkəmədə baxılan cinayət işləri üzrə dövlət ittihamının müdafiəsi, mülki xarakterli mübahisələr və sosial problemlərlə bağlı olub. Bu məsələlərin operativ həlli üçün prokurorluq və aidiyyəti icra orqanlarına müvafiq göstərişlər verilib.