Jurnalist Nəcəfovun məzarından barelyef oğurlandı

Azərbaycanın tanınmış jurnalisti Nəcəf Nəcəfovun məzarından bürünc barelyef oğurlanıb. Hadisə sentyabrın 9-da səhər saatlarında İkinci Fəxri xiyabanda baş verib. Məzarın başdaşına quraşdırılmış barelyef, Nəcəf Nəcəfovun vaxtilə rəhbərlik etdiyi “Azərbaycan gəncləri” və “Azadlıq” qəzetlərinin iki səhifəsini əks etdirirdi.

Minval.info xəbər verir ki, hüquq-mühafizə orqanlarının keçirdiyi əməliyyat-axtarış tədbirləri nəticəsində, əməli törətməkdə şübhəli bilinən 1973-cü il təvəllüdlü Ülvi Kazımov saxlanılıb. Araşdırmalar zamanı oğurlanmış barelyefin satıldığı yer də müəyyən edilib və maddi sübut kimi götürülüb. Baxış zamanı onun hissələrə doğrandığı müəyyən olunub.

Faktla bağlı cinayət işi başlanıb, istintaq və digər zəruri tədbirlər davam etdirilir. Qeyd edək ki, Nəcəf Nəcəfov 1980-1990-cı illərdə “Azərbaycan gəncləri” və “Azadlıq” qəzetlərinin redaktoru olub və 1999-cu ildə vəfat edib.