“İranlı Messi” millidəki kariyerasını sonlandırdı

“İranlı Messi” adlandırılan hücumçu Sərdar Azmun millidəki karyerasını sonlandırmaq qərarını alıb.

Minval.İnfo xəbər verir ki, futbolçunu buna məcbur edən azarkeşlərin ona qarşı həqarətləri olub. Hətta vəziyyət o həddə çatıb ki, Azmunun anasının səhəti pisləşib.

23 yaşlı futbolçu “İnstaqram” hesabından anası ilə çəkilmiş şəklini paylaşıb və bunları qeyd edib:

“Mənim anam çox ağır bir xəstəliyin üstəsindən gəlib. Əfsuslar olsun ki, heç layiq olmadığımız halda mənə və mənim komanda yoldaşlarıma edilən həqarətlərə görə anamın xəstəliyi daha da ağırlaşıb”

İranlı futbolçu bundan başqa seçim etməli olduğunu bildirib və seçimin sonunda anasını seçdiyini deyib.