Luis Enrike PSJ ilə 2030-cu ilədək qalır

Fransanın Paris Saint-Germain (PSJ) klubu baş məşqçisi Luis Enrike ilə müqaviləsini yeniləyib. 56 yaşlı ispaniyalı mütəxəssisin yeni müqaviləsi 2030-cu ilədək uzadılıb. Luis Enrike 2023-cü ilin yayından etibarən Paris təmsilçisinə rəhbərlik edir.

Minval.info xəbər verir ki, onun rəhbərliyi altında PSJ iki dəfə ardıcıl olaraq UEFA Çempionlar Liqasının qalibi olub və üç dəfə Fransa çempionluğunu qazanıb. Əvvəlki müqaviləsi cari mövsümün sonunda başa çatmalı olan Enrike ilə yeni anlaşma “Monako” ilə keçiriləcək ev oyunundan əvvəl elan edilib.

PSJ rəhbərliyi həmçinin bir sıra futbolçularla da müqavilələri yeniləyib. Joao Neves, Vilyan Paço, Lukas Beraldo və Sənni Mayulu 2031-ci ilə qədər klubda qalacaqlar. Fabian Ruisin isə müqaviləsinin müddəti 2028-ci ilədək uzadılıb.