Qusarda toy sonrası dava: Bir nəfər xəsarət aldı

Qusar rayonunun Balaqusar kəndində toy məclisindən sonra baş verən dava nəticəsində bir nəfər xəsarət alıb. Hadisə zamanı Elvin Məmmədov adlı şəxs, toy məclisindən çıxaraq spirtli içki qəbul etdikdən sonra, kənd sakini Zamin Quliyevlə mübahisə edib. Mübahisə zamanı Elvin, Zaminə fiziki zərər yetirib.

Minval.info xəbər verir ki, hadisə şahidləri müdaxilə edərək davanı sakitləşdiriblər. Əraziyə gələn polis əməkdaşları Elvini saxlayıblar. Faktla bağlı cinayət işi açılıb və məhkəməyə göndərilib. Qusar Rayon Məhkəməsində keçirilən prosesdə tərəflər arasında barışıq əldə olunub və zərərçəkmiş şəxsə dəymiş ziyan ödənildiyindən cinayət işinə xitam verilib.