İlham Mirzəyev infarkt keçirdi: Vəziyyəti ağırdır

Tanınmış aparıcı İlham Mirzəyev səhhətində yaranan ciddi problemlə əlaqədar xəstəxanaya yerləşdirilib. O, sosial media üzərindən izləyicilərinə müraciət edərək, vəziyyətinin yaxşı olmadığını və dualarına ehtiyacı olduğunu bildirib.

Minval.info xəbər verir ki, Mərkəzi Klinikadan verilən məlumata görə, İlham Mirzəyev sol mədəciyin ön divarının miokard infarktı və kardiogen şok diaqnozu ilə xəstəxanaya qəbul edilib. Ona angioplastika əməliyyatı icra olunub və stent implantasiya edilib. Hazırda xəstənin vəziyyəti ağır stabil olaraq qiymətləndirilir və kardioreanimasiya şöbəsində kompleks müalicəsi davam etdirilir.