İlham Əliyevdən yeni TƏYİNAT

Mədəniyyət nazirinin birinci müavini vəzifəsinə təyinat olub.

Minval.info xəbər verir ki, prezident İlham Əliyevin imzaladığı sərəncamla Vaqif Qadir oğlu Əliyev Azərbaycan Respublikası mədəniyyət nazirinin birinci müavini vəzifəsinə təyin olunub.

Qeyd edək ki, Vaqif Əliyev 1953-cü il iyul ayının 17-də anadan olub. 1975-ci ildə Azərbaycan Dövlət Universitetinin fizika fakültəsini bitirib. 1975-1982-ci illərdə Azərbaycan Milli Elmlər Akademiyası Təbii Ehtiyatların Kosmik Tədqiqatları İnstitutunda mühəndis, kiçik elmi işçi, qrup rəhbəri, baş müəllim vəzifələrində işləyib.

Rusiya Almaniya konsulluğunu bağlayır: Gərginlik artır

ƏLAQƏLİ

Bunu da oxu

Rusiya Almaniya konsulluğunu bağlayır: Gərginlik artır

07.09.2026 - 22:08

1982-1988-ci illərdə Azərbaycan Dövlət Universiteti komsomol komitəsinin katibi, 1988-1994-cü illərdə BDU-nun fizika fakültəsində baş müəllim vəzifəsində çalışıb.

1994-2001-ci illərdə gənclər, idman nazirinin I müavini, 2001-2003-cü illərdə isə gənclər, idman və turizm nazirinin I müavini vəzifəsində çalışıb. 2003-cü ildən 2011-ci ilə kimi Sumqayıt şəhər İcra Hakimiyyətinin başçısı vəzifəsini tutub.

18 fevral 2011-ci il prezident İlham Əliyevin imzaladığı sərəncama əsasən, Vaqif Əliyev mədəniyyət və turizm nazirinin I müavini təyin olunub. Fizika-riyaziyyat elmləri namizədidir (1980).