İbrahima Vadji rəsmən “Sent-Etyen”də

Əldə olunmuş razılığa əsasən, “Qarabağ”ın hücumçusu İbrahima Vadji Fransanın “Sent Etyen” klubuna transfer olub.

Qol.az xəbər verir ki, bu barədə Ağdam klubunun yaydığı rəsmi açıqlamada bildirilib. “Qarabağ” İbrahima Vadjiyə göstərdiyi xidmətlərə görə təşəkkür edib və gələcək karyerasında uğurlar arzulayıb.

Ötən yay transfer olunmuş seneqallı futbolçu “Qarabağ”da keçirdiyi 36 oyunda 20 qol vurub və 4 məhsuldar ötürmə edib.