Henri Koul xərçənglə mübarizəyə başlayır

Məşhur britaniyalı teleaparıcı Henri Koul xərçəng xəstəliyinə tutulduğunu açıqlayıb. 62 yaşlı teleaparıcı bu barədə sosial şəbəkədə yayımladığı videoda məlumat verib. Minval.info xəbər verir ki, Koulun qarın nahiyəsində kiçik ölçülü xərçəng aşkarlanıb. O, konkret diaqnozu açıqlamasa da, xəstəliyin erkən mərhələdə olduğunu bildirib. Həkimlərin proqnozuna görə, teleaparıcının 2027-ci ildə tam sağalması gözlənilir. Müalicə səbəbilə Koul bəzi çıxışlarını təxirə salmalı olacaq. Henri Koul “The Motorbike Show” və “World’s Greatest Motorcycle Rides” verilişləri ilə tanınır.